Diambil dari web anak Papua www.yaswarau.com (dong yg pangaruh sudah, maaf ne kalo ada yg sa edit2 sdikit)
——————————————————-
Napas Buatan
Oleh Paul_dmc
Ada anak kecil 1 de pu umur kira2 4 thn.
Satu kali begini de dapat ajak dari de pu mama ke pasar, pas sampe pasar anak kecil ko perhatikan kiri-kanan. Pas anak ko buang muka ke tampa laen ko lihat ada orang ciuman, anak ko penasaran jd langsung de tanya de pu mama :
Anak: mama ko lihat sana, dong dua bikin apa ka? (sambil tunjuk ke arah anak muda yg ciuman)
Mama: ooo…itu laki2 de kasi napas buatan buat de pu cewe.
Anak: kemarin sa lihat bapa kasi napas buatan ke pembantu jg..
Mama: haaa..aaa!!!
ocha : 
kekekekeke.. bapa siap2 dapa semprot di rumah.
——————————————————-
Kecap
Oleh wongkey_tarami
Ini kejadian nyata di SORONG. (katanya lho…)
Ada anak kecil 1 de baru masuk skola. Pas begini de pu ibu guru bilang “nanti kalu pulang skola bilang bapa ajar membaca ne..??”
Pas de sampe di rumah de bilang “selamat siang bapa selamat siang mama”. Trus de bilang sm de pu bapa, “bapa tadi ibu guru blng bapa ajar kita membaca..”
Langsung de bapa bilang “iyo ko mkn dolo hbs mkn baru bapa ajar ko membaca.”
Pas begini de sudah habis makan, jadi di meja makan tu ada kecap ABC.
langsung de bapa mulai ambil kecap ABC. De bapa tunjuk huruf baru de ikut.
Bapa tanya:ini apa…
Anakjawab: A..
Bapa tanya lagi:ini apa…
Anak de jawab: B…
Bapa tanya trus: ini apa…
Anak jawab: C.
Bapa tanya terakhir: baca apa….
(anak ko mulai angkat)
ANAk: baca KECAP..
ocha: ade2 begini yg dong brangkat cepat… wakakakak
————————————————
Kaki
Oleh apocaris_icaheca
Ada mace satu. da pinjam uang sama koperasi simpan pinjam. Orang dari koperasi itu datang trus untuk tagih utang. karna mace ko malas bru tambah lagi donk hampir datang tiap hari jadi mace ko tambah malas.
Pas satu siang ni mace ko ada santai di depan rumah, tapi mace ko kaget karna ada petugas yang datang jadi mace ko sembunyi di dalam kamar tidur. Karna mace ko berdiri pas di belakang kain horden kamar, jadi mace ko pu kaki kelihatan.
Petugas langsung tanya sama mace da pu anak yang lagi main. Tapi sebelumnya mace ada bilang sama da pu anak kecil agar bilang mama ada ke pasar.
Petugas ko tanya,
petugas :’slamat siang ade, ada mama ka…..?????’
anak kcl :’slamat siang om, mama ada ke pasar’
petugas :‘mama su ke pasar dari tadi ka…?’
anak kcl :‘io….. mama su pi dari tadi’
tapi petugas ko rasa aneh karna da lihat mace pu kaki ada kelihatan dari dalam kamar, pas di belakang kain horden’
langsung pace ko bilang sama anak kecil
petugas :‘ade mama ada kemana…..?
anak kcl:‘om…… mama ada ke pasar’
petugas :’oh iyo sudah, ade om jalan dulu e…. tapi tolong bilang sama mama, lain kali mama kalo mo ke pasar ingat bawa mama pu kaki eeeee…..’
——————————————————-
Terban
Oleh elrich
Sodara-sodara Ayamaru dan Napi dong jangan marah e,,,
Alkisah KM ELANG berangkat dari teminabuan ke sorong,
Kapten kapal adalah Arnold Burung, penumpang 80% masyarakat Ayamaru.
Di selat sele datang badai & ombak besar, penumpang panik batariak ketakutan.
Di sudut dek napi biak satu (Wamafma) bilang “ kenapa musti takut?
Nama Kapal, ELAN, kaptennya BURUN, PENUMPAN umumnya AYAM,
jadi kalo kapal terbalik..ya semua TERBAN to?
——————————————————-
JENIS KELAMIN…
Oleh wongkey_tarami
Satu kali obet de pu bu guru suruh dong tulis identitas orang tua…
trus obet de ganggu2 ibu, bru de tanya sama ibu guru..
obet:ibu tulis orng tua pux nama lengkap ka…
ibu guru: iyo ko tulis
obet:ibu tulis alamat lagi ka..
ibu guru:iyo obet ko tulis.
ke 3 kali de tanya ibu guru
obet:ibu jenis kelamin lagi tulis ka..
karna ibu guru de sudah ganas obet dr td tgl tanya2 trus langsung ibu bilang..
ibu guru:ah tidak ko gambar saja…
ocha: (hahahahae…. gambar tuch) sadox…
——————————————————-
Paman USG…
Oleh chakysikoway
Ceritanya nih… ada paman [pa' mantri] satu yg pacaran dgn perem sma… Pas hari jumat siang pulang kerja tempo jd, paman ko apel ka ini di perem pu rumah… Pas perem ada duduk potong sayur… dorang dua cerita rame e….
PAMAN : ade, ko tau di dunia nih kk cuma sayang ko saja…
PEREM : aeh, hop sudah…
PAMAN : beh, ade… kk tra tipu…
PEREM : iyo, ntar balik ke rumah sakit… ktemu suster satu bilang begitu juga..
PAMAN : siooo… ade kk tra tipu…
PEREM : z tra percaya…
PAMAN : ade… klo ko tra percaya, ko blah kk pu dada sudah… ko liat… cuma ko pu nama sj yg ada di situ…
[pas perem ko ada pegang pisau n mo iris bawang.... n perem ko tekan pisau di bawang sungguh2 sampe kena di papan iris ka ini...]
PEREM : ah, kk… betul ka??? [sambil kas tunjuk pisau]
PAMAN : ah, ade… lebih baik USG sj sdh… spy ko liat ko pu nama yg kk pilox…
——————————————————–
Jadi.. itu sudah. Cerita mob hari ini.
Bikin snang hati dolo, tong pung jantong hati su jalan ke Surabaya jadi.
Maaf bagi yg ngerasa gak lucu, hihihi. Kalo tau logat Papua dan baca mob ini pake logat Papua pasti lucu deh..
ado e…. ancorrrrr.
Epen kah…… Yapen to.
Ah ha ha ha ha ha ha,
wakakakkaka…………!!
*ngakak sampe kluar air mata*
ocham ko tra usah sedih. tra lama lagi, sa yakin, kamu 3 (ko, ari, cacha) pasti akan bakumpul lagi.
jiaaaaaaa …. thx ocha.
@Aki Herry:
hihihi, sukurlah ngerti juga..
@PeTeeR:
ko baru bc ini sj ko ketawa, pa lagi ko baca di web yaswarau tu.. sa macam mo kopeng2 monitor saja e… tahan poro sampe mo pingsan2
@Pakdhe Mbilung:
sama2 pakdhe..
Hahahahahaha….
Paniki terbang tinggi
Ocha pung mob bikin ketawa mati
Good…goood…
Hahahahaha *ktawa sampe guling2* sa su lama tara dengar mob macam begini e….
Adoooo…. mace sa kangen sekali sama kalian ooo >_<
Keep in touch-e !!!
@goldfriend:
Sio…..
Kapas putih melayang-layang
dong kira suanggi datang
kalo sa pu mob ni su bikin kaka dong sanang
jang lupa kirim sa satu ekor cakalang…
wakakakakak… *mati makan ikan cakalang bakar di tembok berlin*
@mae:
itu sudah sist.. sa hancurkan deng mob2 dolo. bikin kam kangen Sorong to… huhuhuhuhu
Ko pu mop saja…
Asli…asli…pangaruh sampe…
Oh iya, saya mo tawarkan produk” dari Papua. Kalo ko mo lihat”, silahkan buka :
http://papuablogspot.com
Terimakasih. GBU
@bintang:
bukan sa pu mob kok.. itu copas dari web yaswarau.
oke deh.. meluncur ke rumah mu dulu..
TOP MACE…TAMBAH LAGI NEE….
@dupiad fakfak:
ahahahae.. sa mo tambah tp stok kurang jadi. co kam buat ka??? supaya sa pi ketawa2 disana
Ocha………?????itu ko ka????????
kasi mob yang baru lagi,banyak2 ee…..
sa tunggu,g pke lama.
@ak@lee:
ene sapa e….. bah.. kam ke yaswarau dot kom saja. banyak disana o.. tinggal kam siap gigi kering dan gargantang pica gr2 ketawa sa.
beh… salam kenal ne.. *jabat tangan*
ah ka2 ocha ko yg di foto itu ka?mcm andalan bgitu ko pu muka?
sa anak baru jadi???????????????
sa belum tau slaknya ini situs,nanti sa telusuri dolo eee….
klo ka2 blm knl sa,slm kenal aj skrg.
yoo…daaaaaaa………..
trus kembangkan MOb nya……
Regards
Raja4.org
Wkkk macam lucu kha? Bwt tong rindu kampung halaman sj…B-)
bah… mace e, ko pung mob paling mantap sudahh…, z tra tertawa sampe poro mo pcah.
bikin z inga, z pung sahabt almarhum pace herry. thanks
Thx, sy jadi ingat itu ‘mob’
Salam kenal buat ocha, sy dulu pernah di sorong, skrg udah di Sby
Kangen ketemu teman2 di Sorong
Send me a email ocha, thanks
Ocha Thx su post MOB2 lucu ini…
adoo kangen jayapura T_T
thx ya… sdh turut membantu popularitasnya sy… slalu molo lia2 ktong d yaswarau.com e…
@kaka code red:
aduh kaka, sa tra mantap macam sobat2 dong di yaswarau jadi. sa main copas aja kesini. kalo sa mob nanti kam malah menangis lagi
@Mich’bt:
boo sodara andalan satu nih… salam hormat
@abner:
huehuehue, i’m sorry for ur friend, tapi mungkin de jg ada duduk cerita mob di atas sana ee… jadi jang sedih
@arthur:
ohh.. dulu di sorong jg? salam kenal ya
@marchel:
pulang ke jayapura dulu to
@chaky:
*pingsan ada orpen masuk*
weks
tenang aja abis molo gurita sa pi molo di sana. ahahahahai
adohhh cerita lucu itu.. tapi jujur z tersinggung pas yg di elang itu…
tapi trapa2 sdh…
serius lucu skli… z ktw sampe cape
Bwaahhh
Waktu sa putuskan beken post Mop rutin, sa pikir sa ini yang pertamax suda. Padahaaaaaaal
Eh tapi trapapa juga, maseh ada beda mo.
Sa pu versi yang su di’nasionalisasi’
Hmm… lia2 dolo, ada yang sama ka tida? Sa bakal malu pica kalo sampe ada yang sama…
.
.
.
Siipp!!
Semua bedaaa!!
Satu lagi bedanya : Sa pu mop semua asli mop dari mulut-ke-mulut, bukan dari postingan siapa-siapa
.
Forza Milaaaaan!!!!!
@it_h4:
jang mara eee… kam baek baru
aduh sa minta maaf kalo bikin tersinggung.
mari ketawa2 saja
@Fritzer:
yo… selamat sudah. sa juga tra niat bikin blog khusus mop saja kok. ini juga sa sekalian promosi yaswarau.com saja.
Forza Milan!!!
hahahahhah…ko bisa saja
beta su katawa sampai air liur kaluar pace
thanx
bisa link kah??
salam manis dari kupang
GBU
ocham ko tra kosong……ne mob u gokil abiez